كشفت الفنانة كندة علوش عن حصولها على دعم من نجم المنتخب المصري ومهاجم ليفربول الإنجليزي محمد صلاح بعد تشخيص إصابتها بسرطان الثدي، وروت تفاصيل المكالمات الهاتفية التي جرت بينه وبين زوجها. والنجم عمرو يوسف ولها.
وقالت كندة خلال مشاركتها في بودكاست مع الإعلامية منى الشاذلي عبر قناتها على يوتيوب “عمرو كان قاعد وجاء مكالمة له فلقيته بيقول “اه ازيك اه طبعاً ايه ده “ولقيته متحمس وحبيبي بعدين بيقوله هي كويسة ، وأنا مع العيال مش مركزة بقوله مين يا حبيبي، بيقولي محمد صلاح .. قولتله مين محمد صلاح قولتله محمد صلاح مو صلاح وهو عارف عمرو بس مش أصدقاء مفيش تواصل، قالي عرف من أصدقاء مشتركين انك تعبانه و جاب نمرتي واتصل وقال له أنا سمعت إنه كندة تعبانه و وعايز أقولك في أي لحظة أنا بيتي موجود لو عايزين تيجوا تعملوا متابعة هنا او تبعتولي الورق وأنا اخده عند دكاترة هنا”.
وتابعت كندة علوش في حديثها: ” والله العظيم بقول عمرو أنا مش مصدقة إيه الحلاوة دي بعدها بفترة لقيت عمرو بيتكلم بنفس الحماسة وبيقولى في حد عايز يكلمك تعالي بس، وأنا بمسك التليفون قالي محمد صلاح، ردت عليه وقالى طمنينى، قولتله “أنا كويسة جدا أنا خلاص بخلص الكيماوى، وقالى عايزك تعرفي إن ليكي عيلة وليكي بيت واسمحيلي يا كندة إني أتطمن عليكي تانى”.
واختتمت كندة علوش كلامها: ” قد ايه هو إنسان حقيقي وبسيط إنه هو دور على النمرة واتصل أول مرة وتاني مرة بأشخاص هو يعرفهم من بعيد ويقولي انتي عارفة انتي غالية علينا قد إيه قولتله أنت اللي غالى”.
![كندة علوش](https://aalmk.com/wp-content/uploads/2024/06/20240623103303333-300x158.webp)
كانت هذه تفاصيل خبر (كندة علوش تكشف مادار بينها وبين محمد صلاح والسبب مرضها بسرطان) لهذا اليوم نرجوا بأن يكون فريقنا في موقع عالمك الآن وفق بإعطائك التفاصيل والمعلومات الكاملة ونتمنى ان نزودك دومابكل ما هو جديد.